The love letter

Dearest,
Do you know how much in love with you I am? Did I trip? Did I stumble - lose my balance, graze my knee, graze my heart? I know I'm in love when I see you. I know when I long to see you, I'm on fire. Not a muscle has moved. Leaves hang unruffled by any breeze. The air is still. I have fallen in love without taking a step. You are all wrong for me and I know it, but I can no longer care for my thoughts unless they are thoughts of you. When I am close to you, I feel your hair brush my cheek when it does not. I look away from you sometimes, then I look back. When I tie my shoes, when I peel an orange, when I drive my car, when I lie down each night without you, I remain,

جنة من غير ناس متنداس

بقالي مده مش عارف مالي حزين ممكن مكتئب يجوز لكن اللي أعرفة و متأكد منه اني لوحدي تماما محدش يعرفني لكن بأختصار أنا واحد الحمد لله ربنا من عليا بحاجات كتير جدا حواليا ناس كتير و صحاب كويسين جدا لكن لأسف عايش في وحدة قاتلة أحيانا بكلم نفسي عشان مشي لاقي حد اكلمه.
امتي كنت لوحدي معرفش أنا بقالي 3 سنين شغال في القاهرة و بعيد عن اهلي في الاسكندرية اه بنزل كل اسبوع أزورهم و اقعد يومين بلاقي حوالي ناس كتير و بنتكلم في مواضيع غير شغلي و سفري اللي تعبت منهم .
المهم اية اللي حصل مش عارف أنا قاعد لوحدي في سلنترو كالمعتاد بس مش بشتغل بكتب الالم و الوحدة الي عايش فيها ليه كل ده بسبب الحب حبيت واحدة لالاسف مكانتش مناسبة و لا عمرها كانت حتكوه مناسبه نجحت في خلال السنه ونص عمر علاقتنا أنها تخلينا وحيد تماما حب تملك ممكن هيا كانت مليا علي حياتي معرفش لكن اللي أعرفه انها كانت ملكاني و ملكا روحي و انا رغم علمي اني بعدها حكون وحيد سبتها عشان مينفعش كل واحد فينا بيدور في دنيا غير التاني مستحيل نتفق ابدا مستحيل نكون لبعض و رغم الجنة اللي كانت معيشاني فيها لكن النار اللي كانت جواها كانت لازم تنهي كل حاجة بفكر فيها بحاول أطلع من جحيم ذكريات بيطاردني مش قادر ادخل في علاقة جديدة و مش عايز ارجع لأي علاقة قديمة عايش لوحدي 5 أيام لوحدي و يومين مع أهلي و أصحابي في الاسكندرية معظم وقتي و انا في مصر عايش في وحدة و معظم وقتي وانا بره مصر اني علطول مشغول مش عارف اتعرف علي حد جديد مش فاهم مالي حاسس بألم من الوحدة حد عنده حلول غير جنة من غير ناس متنداس

مذكرات مدخن سابق

السلام عليكم ورحمة الله وبركاته النهاردة فات اكتر من شهر و انا احمل لقب مدخن سابق و بين دخولي دايرة التدخين و الحمد لله خروجي منها قصة ممكن تكون طريفة و ممكن تكون حزينة المهم ايه القصة يا عم المنشكح اشجينا
انا والدي مدخن بالرغم من كونه طبيب وانا في الثانوية العامة تعب اوي وانا كنت بكرة السجاير وبدعيلوا يبطلها و للاسف نسيت منظره و هو نايم في السرير مش قادر يأخد نفسه و دخلت دايرة التدخين بس قبل محكي ازاي دخلت و ازاي طلعت اقف و افتكر منظر بكاني ولد مكملش 10 سنين بيدخن غريبة اني بكيت من المنظر دة من 9 سنين مع انوا اصبح عادي دلوقتي المهم رجعت البيت و كتبت ما يمكن اعتبارة مجازا اول مدوناتي نرجع للسجاير ازاي واحد ادامه منظر ابوه و بيكره السجاير بالمنظر دة يبقي مدخن!!!!!
بعد سنة من دخولي الكلية خرجت مع زمايلي وراحوا قعدوا في قهوة شوية طلبوا شيشة و تحت الحاح منهم جربت عجبني الاحساس اكني شربت حاجة صفرا ضحكت و هيست علي الاخر و فضلت كل يومين تلاته كدة اشيش و فرحان بقة بطلع دخان من مناخيري و شايف اني كبير لكن انا كنت و لا كبير و لا حاجة كنت فعلا اهبل المهم شوية بشوية بقت كل يوم و في يوم في الشتا نزلت الفجر مشوار وانا في التاكسي لقيت الراجل بيشرب سيجارة طلبت منوا عزم عليا شربت و دخلت السكة و اشتريت اول علبة سجاير و كانت كليوباترا الـ10 سجاير اول منزلت لـ 90 قرش شربت منها 4 سجاير و بعدين رمتها ورجعت للشيشة المهم عشان مطولش بعد 5 شهور بشرب شيشة بس و سجاير خفيف سقطت في الكلية فتحت في السجاير كنت بشرب علبة و اثنين في اليوم و بشتغل و الدنيا ماشية رد فعل اهلي ايه ؟ امي طردتني من البيت و بابايا قالي حرام عليك لكن الامر اصبح واقع انا مش بشرب قدامهم لكن عارفين اني مدخن و لمدة 7 سنين مبطلتش يوم طب ليه عشان انا كنت مقتنع اني حرجعلها تاني فعلي ايه وجع القلب لكن الي دايما كنت مقتنع بية ان السجاير غلط و حرام وأهي ذنب من ضمن الذنوب المهم من اول رمضان وانا نفسي ابطل شويه اقلل اجي اتنرفز في الشغل ازود ابتديت ادعي ربنا يارب انت خلقتني و انت ادري بنفسي مني ساعدني علي نفسي و قويني عليها و كعادتنا نتقرب كثيرا لله في رمضان المهم احاول دائما المحافظة علي صلاة الفجر ياههههه و الله احلي حاجة في الدنيا صلاة الفجر راحة و أنس و يوم بيبداء علي طاعة الله مفيش اجمل منة و مر علي اسبوع مش عارف اصحي اصلي الفجر و الله يا جماعة منبة ظبت اصحاب يتصلوا بيه و كل دة و مش بصحي قمت ادعي يارب انا عايز اعرف ليه مش بصحي الغجر و دعيت ربنا يعرفني السبب في الحلم و الله و أقسم بالله حلمت بالسجاير حلمت اني في مسجد و واحد بيولع سيجارة وانا متنرفز و بتخانق معاة فحاول يتهرب و يقولي لا مش غلط ولا حرام وانا متنرفو علي اخري وماسك فية والله يا جماعه قمت من النوم علي صلاة الفجر و من يومها مش من كتير اوي لكن حلفت مشرب سجاير لحد مموت صدقوني الحياة من غيرها متعة و كلمت انا بطلت بتحسسك انك فعلا عندك ارادة و قوي وز غير كدة صحتي و الحمد لله احسن بكتير
الي اصدقاء المدخنين بطل بمزاجك و ارادتك و خد فرصة ترجع صحتك و استمتع بحياة من غير دخان عشان نهاية طريق التدخين معروف و كدة كدة حتسيب السجارة غصب عنك ان مكانش بسرطان رئة فممكن بربو و ادي رمضان عدي و انت كنت سيبها متعمل زي و طلقها ديه مصاريفها عليا و بتموتك و لو لسة مش مومن انك حتسيبها اقولك انت حتموت والله حتموت تحب ريحة قبرك تكون سجاير صدقني السجاير حرام و الدخان حرام و شوف انت بتصرف أد اية علي السجاير انا حسبتها :
انا مدخن من 7 سنين متوسط علبةونص في اليوم لما ابتديت كانت مارلبورو4.25 قضلت تزيد لحد 7.5 نقول متوسط 6 جنيه يعني اجمالي :
1.5x365x7=23,000 L.e
بذمتكم مش حرام اولع في الفلوس دية و افضل مدخن كمان 7 سنين و علي فكرة السجاير حتغلي لسة
يارب اهدي كل مدخن و يارب يتوب عليكم من التدخين
اخر بقي اكلمك فيها فوائد انك تبطل سجاير نتكلم بصراحة :
لو انت متجوز او انتي متجوزة قدرتك الجنسية حتزيد وده كلام الدكاترة
لو مش متجوز فالفلوس الس انت بتضيعها علي السجاير لو دخلت بيها جمعية حتساعدك علي الجواز
طب لو انت مش محتاج فلوس و متجوز و شايف انك 24 حصان فلوس السجاير ولاحاجة جرب تبطل السجاير و شوف يا بطل حتحس بفرق جامد و الفلوس اللي انا وانت و كل مدخن و مدخنة بيولع فيها مش ربنا حيحسبنا عليها و في حد أحسن اولي بيها بدل منولع فيها .ش
طب انتي يا أختي يا صديقتي يا مرأتي تحبي تحطي اببنا تحت شكمان عربية ترضيها
الكلام حلو و كلنا و الله نفسنا نبطل و ممكن نسبها يوم ولا اتنين لكن ازاي اليوم يبتدي من غير كوباية نسكافية ولا شاي مع سجارة بصراحة انا مش بطلت تدخين بس مفتقد السجارة مع القهوة طب اية حتسيبنا القهوة كما يا عم الشيخ و لا هيا حرام كمان لا انا عملت تغيير بشرب قهوة بس غيرت من عاداتي يعني اول موصل مكتبي بشرب لبن بالقرقه مع شويه اعشاب بتنضف الصدر و بعدين 3 ساعات بشرب القهوة ممكن تعملوا نفس النظام متسبش كل حاجة غير بس من طبعك بص بقي فوق ده شكل صدري و صدرك بس انا ابتديت انضف نفسي يا تري كمان 3 شهور زي ما الدكاترة بيقولوا حكون نضفت تماما وانت حتكون فين !!!!!!!!!!!!!!!!!!!!!!!!!!

اول و اخر علاقتي بكتابة الشعر

زمان انا و صحابي لما كنا لسه في ثانوية عامة كنا في مفترق طرق بس كنا فينا براءة و دماغ رايقة و مفيش هموم كل مفتكر الايام ديه احنلها مش فاكر منها غير بيتين شعر كتبتهم في حصة عربي انفعلت مع الشعر و كان هذا هو الناتج :
يا من كنت يوما حبيبتي يا من كان حبك جنتي
اكــتـب اليكـي قصيدتي بحروف تظللها رغبيتي
في عودة ود سابق في عودة حب سابق
كل ما أقراء الكلام ده اتنهد و اقول ياه اد ايه الدنيا بتغير :(

رحلاتي المكوكية مع حياتي البطوطيه

اصدقائي الاعزاء اللي لسه معرفتهمش و لا قابلتهم حتي لكن اتفرجت علي كتابتهم و حسيت بألامهم و عشت معاهم قصصهم و مدوانتهم معرفش ايه اللي خلاني اعمل البلوج دة لكن يمكن احساس اني زي مغيرت من سلبيتي كمصري بيتفرج بس ممكن اكون ايجابي و اشارككم زي مانتم مدينا فرصة نشارككم
واعجبيييي علي رائ شاعرنا الفاجومي علي الحياة اللي عشتها و الاحداث اللي مريت بيها و الله يا جماعة الدنيا ديه اوضه و صالة و كلها في الاخر متر فمترين و الله محد واخد منها حاجة مش عارف ابتدي منين ولا احكي عن اية ولا ايه ممكن نبتدي بشرح الاسم رحلاتي المكوكية مع حياتي البطوطيه و ده عشان كل زمايلي و صحابي مسميني أبن بطوطة عشان مش بستقر في بلد اكتر من اسبوعين كل شويه بتنطط شويه معارض شويه ميتنج شويه فسحة ....الخخخخ
طب متتعالج يأبني و اقعد فحتة و ارسالك علي بر أقولكم نفسي لكن اكل العيش فأنا يا سادة الموضه اللي اسمها مهندس مبيعات اكيد سمعتوا عنها من زمان بقالي فيها 3 سنين اكيد مش كفايه استحق عليهم

اللقب دة ( ابن بطوطة ) نقف شوية كدة و نرجع لآيام الكلية لما كنت بيظبتوا و شلل و اصحاب و خروج و اعياد ميلاد و مذاكرة و امتحانات ... الخ الخ الخ كنت انا واحد معاكم مرة واحدة قلت لأ انا عايز اغير و

غيرت كان صحابي مسميني يـــانــي عشان كنت برطن بكام لغة كدة المهم ربنا ارادلي اكون اداري في اتحادات رياضية يعني اكون مع بعثة منتخب مترجم و الحاجات الاداريه كدة فعشت بقي سفر و لفيت اوروبا كلها و سقطتلي سنتين كدة في هندسة ايه يعني مانا مليش جيش اصلي ولد وحيد لاختين اصغر مني المهم خلصت الهندسه و نكمل بعدين اصلي مسافر كمان يومين و لازم ارتب شغلي و لنا عودة