بقالي مده مش عارف مالي حزين ممكن مكتئب يجوز لكن اللي أعرفة و متأكد منه اني لوحدي تماما محدش يعرفني لكن بأختصار أنا واحد الحمد لله ربنا من عليا بحاجات كتير جدا حواليا ناس كتير و صحاب كويسين جدا لكن لأسف عايش في وحدة قاتلة أحيانا بكلم نفسي عشان مشي لاقي حد اكلمه.
امتي كنت لوحدي معرفش أنا بقالي 3 سنين شغال في القاهرة و بعيد عن اهلي في الاسكندرية اه بنزل كل اسبوع أزورهم و اقعد يومين بلاقي حوالي ناس كتير و بنتكلم في مواضيع غير شغلي و سفري اللي تعبت منهم .
المهم اية اللي حصل مش عارف أنا قاعد لوحدي في سلنترو كالمعتاد بس مش بشتغل بكتب الالم و الوحدة الي عايش فيها ليه كل ده بسبب الحب حبيت واحدة لالاسف مكانتش مناسبة و لا عمرها كانت حتكوه مناسبه نجحت في خلال السنه ونص عمر علاقتنا أنها تخلينا وحيد تماما حب تملك ممكن هيا كانت مليا علي حياتي معرفش لكن اللي أعرفه انها كانت ملكاني و ملكا روحي و انا رغم علمي اني بعدها حكون وحيد سبتها عشان مينفعش كل واحد فينا بيدور في دنيا غير التاني مستحيل نتفق ابدا مستحيل نكون لبعض و رغم الجنة اللي كانت معيشاني فيها لكن النار اللي كانت جواها كانت لازم تنهي كل حاجة بفكر فيها بحاول أطلع من جحيم ذكريات بيطاردني مش قادر ادخل في علاقة جديدة و مش عايز ارجع لأي علاقة قديمة عايش لوحدي 5 أيام لوحدي و يومين مع أهلي و أصحابي في الاسكندرية معظم وقتي و انا في مصر عايش في وحدة و معظم وقتي وانا بره مصر اني علطول مشغول مش عارف اتعرف علي حد جديد مش فاهم مالي حاسس بألم من الوحدة حد عنده حلول غير جنة من غير ناس متنداس
Subscribe to:
Post Comments (Atom)
1 comment:
اخرج مالبيبان
الحر الضيقه
هتلاقي الكون جميل
والدنيا مروقه
-----
يابن بطوطه نصيحتي ليك .. غير نظام حياتك
اقولك
لو انت متعود تاكل في مكان معين ولا تقعد في مكان معين .. جرب مكان تاني
اقولك .. لو انت بتقعد في حتت شعبيه روح حتت راقيه اتمشى .. ولو العكس .. انزل حتت شعبيه اقعد على قهوة
سجنك جواك .. وانت الوحيد اللي معاك مفتاحه
وبراحتك بقى
سلاموووووووووووز
Post a Comment